لغتنا الفلسطينية‏

لهجة فلسطينية بافتخار

لغتنا ولهجتنا من اهم وسائل نضالنا وبكل فخر استطعنا ان نجبر المحتل ان يتكلم لهجتنا وان لم تصدقني استمع لاي لقاء تلفزيوني مع احد الصهيانية ليتكلم مع المذيع بلهجة فلسطينية 100% واليكم بعض المصطلحات التي اشتقنا ان نسمعها وان فيها بعض التجريح


ولك نحنا الفلاحييييييييييييييييييييييييييييين ومعاولنا بدات النضال


انخم: اخرس


طلطميس= الرجل الذي لا يرسل ولا يستقبل يعني مـــيـــــــــــــــــــــــــح


خريط= واحد قاعد بكذب


هشيت= نفس المعني بس خرطه أقل


هلقيت= الاّن الاّن


بديش= لا أريد


اقبض ياخوي= خدلك هالعاهة


اخمع= اخبط= امزع= اسلخ= يعني بالعربي اعطي بس بدفاشة


مكحمش= فاطس= فاقع= فارط= مسخسخ= يعني فرط على حاله من كثر الضحك


هدي اللعب= انطز= اختصر= اهدى ولا بدعس في بطنك


شوال= دب= ثور الله في برسيمه= مش عارف الخمسة من الطمسة= شاهد ما شفش حاجة


خطي مطي= سري مري= رايح جاي


بربيش= خرطوم ميه


من قاع الدست= يعني قوية


زينقو= اسبست= حاجة بتنحط فوق سقف لدار للي معوش يصبها بطون, مثال الأغنية الشعبية "بس فوق الزينقو"


سداح= شخصية من وحي الخيال الفلسطيني وتشبه شخصية شمشوم الجبار


حشو= قصو= بمعنى الغيبة والنميمة, طبعا على استعداد انه نعطي دروس بهيك أمور, احنا شعب دكاترة في هاي الشغلة


حبطرش= كثير


بنقلو طور بقول احلبوه= مش فاهم الطخة من اللخة


طرمبه= محطة بنزين


شوقع بوقع يارب يوقع= كلمات شيطانية تستخدم لجلب شوء الحظ


سكموني= شخص يحاول أن يصبح مودرن بس مش زابطة معه


حبيبي يا حاج= يعني دليل على المحبة


ولك غور= يعني انصرف= انقلع


طقع "بتمييز القاف"= يعني انسى غرامك فات


والله لا أفسخك= كلمة تستخدم للتهديد والوعيد


يفضح حريشك= تستخدم للإشادة بالمتكلم


حركشة= حركات استفزازية للخصم في بداية كل طوشة


طشط= وعاء بلاستيكي للغسيل

مصطلحات كتير كان اهلنا بحكوها بفلسطين واليوم مستعملة بس مش كتير واحيانا اذا بتحكيها امام اولاد اليوم ما بعرفوا ايش بتحكي .
مثل:

المصطبة : تعني ارض الغرفة
هود: بفتح الهاء و تشديد الواو تعني نزل
مكلعط : وسخ
كشل : خيبة و سوء حال
شلبي: كويس
شهل : اسرع
تعليلة :سهرة شباب وتستعمل سهرة شباب القرية لتوديع العريس
ليصه: الطين ( طينة )
الهيش : الارض المليئة بالاعشاب ة الاشواك
شحاته: كبريته
كزعة: بضم الكاف يعني الشيء القليل او الصغير
مسلوع : يعني نحيف جدا
خشة : غرفة صغيرة
زكة : دخلة صغيرة

اعطيكم كمان بعض الكلمات

مسفلك بكسر اللام يعني ضعيف جدا متل العود

سند بفتح و شد النون يعني طلع و هي عكس هود

و يشتق من سند و هود :السندة و الهودة و هما الطلعة و النزلة

سنسلة و هي مجموعة حجارة مرتبة فوق بعضها بشكل فني رائع و هي مانت بديل للصور الاسمنتي

الله يوشسك تستخدم للتهكم بمعنى الله يوطي راسك و تستخدم عندما يخطئ احدهم اي خطا

الله يسخمك و تستخدم اذا اخطا الانسان خطا شبه قاتل و معناها ما بعرفه

بس السخام هو الطين

يريد ان يفرفر يعني بدو يروح على الحمام و في اقوال اخرة يعرد كلمة دفشة شوي بس موجودة

بتدردى او بتسمم او بتقلعط كلمات يستخدمها الزوج اذا كان معصب من زوجته و هو ياكل و معناها بياكل

ينسشر معناها ينام

كفى تطلق على الظهر او الجزء الخلفي كله بفتح الكاف

خشم او منخار و هو الانف

شلاطيف و هي الشفايف و هناك من يقول براطيم

برطم هنا معناها كشر او عبس يعني ظهر على وجهه العبوس

الخابية هي شيئ كان موجود بالحيط محفور بينحط فيه اغراض للمونة و الاكل

الشنظيرة هي بواقي الاظافر المزعجة الي بتظل باليد و ما بتنشال الا لما تنزل دمك و جمعها شناظير

المعمول هو كعك العيد

البركوك كلنا بنعرفو بس في ناس ما بيعرفو اسمو الا جارينك او خوخ

الشيس هو الكيس

مكعبر يعني مدور

مبعبل يعني ناصح

يا كشلي تقولها الام عندسماع خبر مش منيح عن اي احد من اقاربها او معارفها

يلعن ترتميسك لما الواحد يعملو حركة هبل قدام صحابو

نعشب بشد الشين يعني نخلع العشب من الارض

خشب يعني صار لوح بطل يتحرك يا اما من الخوف يا اما من الفرح يعني انصدم

عركب يعني وقف محلو من الخوف و بتنقال بس لمى الواحد يكون شارد و يعركب

شرد يعني هرب

يا روح امك يقولها الشاب المطاوش للشاب الي بددو يطاوشو للاستفزاز

غربلو غربلة يعني خزقو و تقال بعد الطوشة عن المسكين الي اكل كتلة

دير بالك على حالك تقال للتهديد و الاستفزاز في نفس الوقت

يحرك حريشك تستخدم عشان تبين اعجابك و اشتياقك لاحد اصدقائك

كبرت مالك و عيالك او كبرت اهلك او كبرت ام او كبرت ابوك تستخدم معظمها في قرى رام الله للبهدلة من الام و الاب يعني لمى يبكى الولد مزودها و خصوصا في قرية بيت لقيا

فكع يعني انفجر

فكع بضم الفاء و الكاف معناها المشروم او الشامبنيون

بيفصفص ما يروح فكركم لبعيد معناها ياكل البزر

طكع طكع بفتح الكاف الاولى و كسر الكاف الثانية يعني طلع صوت انفجار عالي و مرات بيقولوها لما حجر ييجي في راس احدهم

فشخه يعني ضربو حجر طيح دمو من الراس

كرمه يعني كسره

يدشر يفلت يعني يترك

عندك اياه يعني شوفو و هي كلمة تستخدمها الامهات للفساد على الاولاد لابوهم

بيكردن فيا يعني بيجنن فيا

مكرن بشد النون يعني ممارس لهذه المهنى و قاطع فيها سنين عمره مثل مكرن بالتدريس
و مكرن او كرن يعني عميل

شلب هو الحيوان اي الكلب
اما اذا اطلقت لقب كلب على احدهم فانت تقول عنه عميل او جاسوس لذلك هناك فرق بين شلب و كلب

يزغلل الماء اي يشرب بدون ما يحط شلطيفو او شفايفو على الزموعة او باب القنينة يعني من بعيد

قاعد بيرغي يعن كاعد بيحكي حكي زايد بيثرثر بدون فايدة

زيطة و زمبليطة يعني فضيحة او بدون زيطة و زمبليطة يعني بدون فضايح

كزعه يعني قرصه

اللغلوغة هي ما يكون عند القدة العرب تحت اللحية

الحيايا هي الحلويات تاعة الاطفال كانت العشرة زمان بنص شيكل

البس و الفار هم توم و جيري كلنا بنعرفهم

ام عراكيب عي ما تطلقه المراة عن اي وحدة ما بتعجبها او بتغار منها و في اقال اخرى مثل عقربة و حية و ام الهول و ام بريص و الى اخره

الشكة او الشكشكانة هي ام بريص و هذا الاسم من الصوت الي بتطلعه

تشك يعني لا

هؤو يعني لا

ركعة هي ما كان يصلح به الملابس سابقا

سكعة يعني برد
يتجردم من السكعة يعني يموت من البرد

مسكع يعني بارد تستخدم للاشخاص

دمك محلول بلمون تقال للي دمهم ثقيل

فايت في بعضو تقال للي متلبك

مرشب كاذف بثمه تقال للي بيحكي و بيتفتف

بوزه يعنه وجهه

اكلب نيعك يعني انقلع او اقلب و جهك

خلعه شف لوك نيعو يعني ضربو كف عوج وجهو من قوة الكف

خمير سشير يعني بيسكر و بيخمر كثير

لهجه حلوه ياريت انعود مثل ما كنا يعنى نحكى هيك وحنا فى ارضنا

مشكور اخ ابو سكندر